U Biełarusi nie bajacca realizacyi ŭkrainskaha scenara. Pra heta ministr zamiežnych spraŭ Biełarusi Uładzimir Makiej zajaviŭ u intervju telekanału Euronews.
Adkazvajučy na pytańnie, ci varta Biełarusi bajacca paŭtareńnia ŭkrainskaha scenara, ministr zajaviŭ:
— Nie dumaju. Ukrainskija ŭłady narabili šmat pamyłak u minułym, u vyniku jakich tam skłałasia takaja situacyja. My nie baimsia realizacyi ŭkrainskaha scenara ŭ Biełarusi. My trochi adroźnivajemsia ad ukraincaŭ i nikoli nie dapuścim toj situacyi, jakaja mieła miesca va Ukrainie.
Uładzimir Makiej adznačyŭ, što ŭ Biełarusi dobryja adnosiny z Rasijaj:
«Kali ŭźnikajuć jakija-niebudź prablemy, my adkryta abmiarkoŭvajem ich z rasijskimi partniorami. Sprabujem znajści palityčnyja, a nie vajskovyja vyrašeńni hetych prablem. Nie dumaju, što Rasija chacieła b arhanizavać u Biełarusi niešta padobnaje da ŭkrainskaha scenara, što jany zachočuć tak zrabić. Heta nie ŭ ich intaresach. Mnie ŭjaŭlajecca absurdnym navat abmierkavańnie hetych hipatetyčnych rečaŭ»,
— skazaŭ kiraŭnik biełaruskaha zamiežnapalityčnaha viedamstva.
