Siońnia ŭ sudzie Leninskaha rajona Minska abviaścili vierdykt pa spravie ab karupcyi ŭ Fondzie sacyjalnaj abarony nasielnictva (FSAN) i Nacyjanalnym banku z udziełam top-mieniedžaraŭ kampanii BiełAVM.
Fihuranty spravy abvinavačvalisia pa niekalkich artykułach Kryminalnaha kodeksa: čynoŭniki — u atrymańni chabaraŭ i pieravyšeńni słužbovych paŭnamoctvaŭ, akcyjaniery i top-mieniedžary BiełAVM — u dačy chabaraŭ dziaržsłužačym.
Sud prysudziŭ eks-načalnika FSAN Ludmiłu Bačyłu da 8 hadoŭ pazbaŭleńnia voli ŭ kałonii ahulnaha režymu z kanfiskacyjaj majomaści.
Raniej Bačyła nie pryznała svaju vinu ŭ atrymańni chabaru ŭ pamiery 20 tys. dalaraŭ i pieravyšeńni słužbovych paŭnamoctvaŭ.
Były načalnik upraŭleńnia infarmatyzacyi FSAN Vital Staravojtaŭ atrymaŭ 3 hady źniavoleńnia ŭ kałonii ŭzmocnienaha režymu.
Eks-kiraŭniku AAT «niabankaŭskaja kredytna-finansavaja arhanizacyja «Adzinaja raźlikova-infarmacyjnaja prastora» (ARIP) Alehu Vieramiejčyku dali 5 hadoŭ i 6 miesiacaŭ kałonii ŭzmocnienaha režymu.
Načalnika hałoŭnaha ŭpraŭleńnia valutna-finansavaha manitorynhu Nacbanka Anatola Maroza sud pryhavaryŭ da 2 hadoŭ i 6 miesiacaŭ ŭzmocnienaha režymu, a taksama štrafu ŭ 400 bazavych vieličyniaŭ. Jaho namieśnik Kaciaryna Paŭłoŭskaja atrymała 2 hady i 6 miesiacaŭ ahulnaha režymu i štraf u 300 bazavych.
Byłomu kiraŭniku BiełAVM Dźmitryju Roninu - 2 hady ŭzmocnienaha režymu z prymusovym lačeńniem ad ałkahalizmu, jaho partnioru i namieśniku Mikałaju Ramanoviču - 3 hady hady abmiežavańnia voli biez nakiravańnia ŭ vypraŭlenčuju ŭstanovu, top-mieniedžara Leanidu Harbačeŭskamu - 2 hady biez nakiravańnia ŭ miescy pazbaŭleńnia voli.
Znachodžańnie pad vartaj pojdzie ŭ zalik pakarańnia. Čynoŭniki i biźniesmieny, nahadajem, byli zatrymanyja ŭ śniežni 2016 hoda.