prm.md
Pra heta Alaksandr Łukašenka zajaviŭ na sumiesnym bryfinhu z prezidentam Małdovy Iharam Dadonam u Kišyniovie, piša kp.md.
— Heta vydatnaje miesca ŭ byłym Savieckim Sajuzie i adno ź lepšych u śviecie dla pražyvańnia ludziej, — acharaktaryzavaŭ Łukašenka Małdovu. — Ja ŭpeŭnieny, ja hetaha chaču, i tak budzie, tym bolš my bačym u apošni čas, što małdavanie znajšli šlach, kab tut było nie horš čym u Biełarusi i inšych respublikach. Prabač Ihar Mikałajevič, ty maładym tady byŭ, u niejkim chlavie pačynali rabić tralejbusy. Pamiataju, Varonin [prezident Małdovy ŭ 2001—2009 hh.] mianie pryvioz na niejki razburany zavod, ja pahladzieŭ i skazaŭ: «Jak tut rabić tralejbusy?» A ciapier vy pałovu tralejbusaŭ vyrablajecie ŭ Małdovie!
Zakranuŭ biełaruski kiraŭnik i palityku. U situacyi, kali aryjentacyja Małdovy na ES i Uschod - u praporcyi 50 na 50, Alaksandr Łukašenka miarkuje, što Biełaruś treba bačyć takoj, jakoj jana jość.
— My tak i rabili. Heta prykład dla inšych. Nie treba sprabavać łamać nievialikija dziaržavy praz kalena. Dajcie nam mahčymaść samim vyznačycca, z kim być i jak dziejničać. Ja hetuju formułu prezidenta Małdovy prymaju na «ŭra», - padkreśliŭ Łukašenka.
KP u Małdovie zaznačaje, što ŭ čaćvier prezidenty dźviuch krain pajeduć siejać pole.
- U Małdovie jašče nichto nie siejaŭ pole z prezidentam Biełarusi! - skazaŭ Dadon. — Presu budziem zaprašać?
— Heta jany sami vyrašać. U vas ža demakratyčnaja dziaržava, a nie dyktatura, jak u Biełarusi! A kukuruzu addaście nam! Nam patrebnaje nasieńnie! — skazaŭ Łukašenka.
— Ja b chacieŭ, kab u nas była takaja dyktatura, jak u vas: u sielskaj haspadarcy, ekanomicy, sacyjalnaj śfiery. Paviercie, bolšaść hramadzian Małdovy taksama chočuć, - adkazaŭ Ihar Dadon.
