Dapracavany biełaruski elektramabil płanujecca prademanstravać da kanca 2018 hoda, paviedamiŭ siońnia žurnalistam staršynia Prezidyuma Nacyjanalnaj akademii navuk Uładzimir Husakoŭ na siesii Ahulnaha schodu akademii, piša BiełTA.
«U minułym hodzie pakazali prykładnuju madel, zaraz aktyŭna pracujem užo nad całkam biełaruskim uzoram elektramabila. Heta vielmi składany miechanizm dla vyrabu, adpracoŭvajem roznyja sistemy. My płanujem stvareńnie elektramabila nie tolki niejkaha adnaho typu — my adpracoŭvajem i pradstaŭničaha kłasa, siaredniaha kłasa i dastupny dla šyrokich słajoŭ nasielnictva, jon pavinien być dastupnym pa cenach i zručnym u vykarystańni «, - adznačyŭ staršynia Prezidyuma NAN.
Što da sieryjnaj vytvorčaści elektramabilaŭ, to heta asobnaje pytańnie. Jano moža być naładžana na novym ci ŭžo dziejučym pradpryjemstvie, naprykład na «BiełDžy, miarkuje Husakoŭ.
«My nie pakinuli ideju elektramabila, pa-raniejšamu pracujem nad joj i paśpiachova ruchajemsia napierad», — reziumavaŭ jon.
