Kiraŭnik marskich apieracyj admirał Džon Ryčardsan zajaviŭ, što fłot, jaki byŭ rasfarmavany ŭ 2011 hodzie, moh by ažyćciaŭlać vajenny nahlad za Uschodnim uźbiarežžam ZŠA i ŭ Paŭnočnaj Atłantycy, paviedamlaje Bi-bi-si.
Jon adznačyŭ, što Stratehija nacyjanalnaj abarony, apublikavanaja sioleta, dała zrazumieć, što era kankurencyi supierdziaržaŭ viarnułasia.
Stratehija robić asnoŭnym pryjarytetam supraćstajańnie Rasii i Kitaju.
Fłot, jaki byŭ rasfarmavany ŭ metach ekanomii, budzie bazavacca na raniejšym miescy - u horadzie Norfałk, štat Virdžynija.
«Naša Stratehija nacyjanalnaj abarony daje zrazumieć, što my viartajemsia da epochi vialikadziaržaŭnaj kankurencyi, pakolki asiarodak biaśpieki sustrakaje novyja vykliki i składanaści», - skazaŭ admirał Ryčardsan.
«Voś čamu siońnia my nastojvajem na «Druhim fłocie», kab supraćstajać hetym źmienam, asabliva ŭ Paŭnočnaj Atłantycy».
Norfałk byŭ taksama prapanavany dla novaha Abjadnanaha kamandavańnia NATA dla Atłantyki.
U NATA zajaŭlajuć, što Rasija pavialičyła vajenna-marskija patruli ŭ Bałtyjskim mory, Paŭnočnaj Atłantycy i Arktycy, a aktyŭnaść jaje padvodnych łodak - na najvyšejšym uzroŭni z časoŭ chałodnaj vajny.
