Druhi kitajski avijanosiec ŭpieršyniu vyjšaŭ u mora dla vyprabavańniaŭ u niadzielu, 13 maja, pieradaje Sińchua.
Padčas vyprabavańniaŭ u pieršuju čarhu płanujecca pravieryć stabilnaść enierhasistemy i inšaha abstalavańnia sudna. Jak doŭha praciahniecca płavańnie, nie ŭdakładniajecca.
Hety kitajski avijanosiec prajekta 001A budavali z 2013 hoda. Čakajecca, što ŭ bajavy skład fłota jon uvojdzie ŭ 2020 hodzie paśla ŭsich vyprabavańniaŭ.
Pakul što na ŭzbrajeńni VMS Kitaja adzin avijanosiec «Laanin», dabudavany ŭ KNR na bazie byłoha savieckaha ciažkoha avijaanosnaha krejsiera «Varah», jaki byŭ nabyty va Ukrainie ŭ kancy 1990-ch hadoŭ.
Prajekt 001A raspracavany na ŭzor «Laanina», adnak maje niekalki bolšyja pamiery i šerah kanstrukcyjnych źmianieńniaŭ. Abodva karabli abstalavany startavymi tramplinami z vuhłom adryvu adpaviedna 14 i 12 hradusaŭ. Typ ruchalnaj ŭstanoŭki — paraturbinnaja.
