Amal try tydni praciahvajecca supraćstajańnie la ŭročyšča Kurapaty, dzie zapracavaŭ zabaŭlalny kompleks «Pajedziem, pajadzim». Aktyvisty štodnia prychodziać da bramy restarana, dzie patrabujuć zakryćcia ŭstanovy i adkryćcia na hetym miescy muzieja.
Pratestoŭcy ličać, što ŭstanova padobnaha kštałtu nie moža znachodzicca ŭ niepasrednaj blizkaści ad ŭročyšča, dzie masava rasstrelvali ludziej ŭ 1930-ja. Ułaśniki «Pajedziem, pajadzim» stajać na svaim.
Inicyjatar pratestaŭ Pavieł Sieviaryniec u fejsbuku napisaŭ, što ŭdzielnikam akcyj prapanoŭvali hrošy za spynieńnie pratestaŭ. «Tavaryšy Leanid, Barys, Arkadź ci chto tam jašče z vami «ŭ doli». Mahčyma, vy budziecie ździŭlenyja, ale nie ŭsio ŭ hetym žyćci pradajecca i kuplajecca. Pamiać i hodnaść, złačynstva i pakajańnie nie vymiarajucca hrašyma», — napisaŭ Sieviaryniec.
«Našaj Nivie» stała viadoma, što prapanova rabiłasia adnamu z aktyvistaŭ apazicyjnaj palityčnaj partyi praz svajaka, jaki pracuje ŭ toj samaj struktury, jakoj naležyć «Pajedziem, pajadzim». Kankretnaja suma nie nazyvałasia, ale havorka viałasia pra «surjoznyja hrošy».
Aktyvista prasili źvieści ŭłaśnikaŭ z tymi ludźmi, jakija mohuć pryniać rašeńnie ab spynieńni pratestaŭ. Adnak mužčyna zajaviŭ, što ličyć takuju prapanovu bieśpierśpiektyŭnaj i admoviŭsia dapamahać. Jon prosić nie ahučvać svajo imia. U vyniku nijakaj sustrečy tak i nie adbyłosia.
Pratesty ŭ Kurapatach suprać «Pajedziem, pajadzim» praciahvajucca i siońnia.
