Aksana Šačko, suzasnavalnica skandalnaha žanočaha ruchu, ździejśniła suicyd u svajoj kvatery ŭ stalicy Francyi.
Infarmacyju ab śmierci Šačko paćvierdziła «Našaj Nivie» lidarka ruchu Anna Hucał. Jana padkreśliła, što samahubstva — papiaredniaja viersija. Ekśpiertyza budzie praviedzienaja 24 lipienia.
Anna Hucał, Aksana Šačko i Alaksandra Šaŭčenka stajali la vytokaŭ FEMEN.
Aksana Šačko. Kadr sa stužki «Ja — FEMEN».
Pryčyna ŭčynku nieviadomaja. Ale viadoma, što heta była nie pieršaja sproba suicydu. Kažuć, što treciaja.
Fota: femen.org.
Pa słovach siabroŭ Šačko pakinuła zapisku, u jakoj na anhlijskaj było napisana «Vy ŭsie fejk».
Aksana Šačko. Kadr sa stužki «Ja — FEMEN».
Aksana Šačko rodam z ukrainskaha Chmialnickaha. Apošnim časam jana žyła ŭ Francyi.
Šačko ŭdzielničała ŭ akcyi FEMEN u Biełarusi ŭ 2011 hodzie. Tady razam ź dźviuma paplečnicami Šačko zładziła pikiet la budynka KDB. Aholenyja pa pojas dziaŭčyny trymali płakaty z nadpisami «Volu palityčnym viaźniam» i «Žyvie Biełaruś». Akcyju praviali 19 śniežnia — u hadavinu Płoščy-2010.
Aksana Šačko trymaje płakat «Žyvie Biełaruś». Fota: Bymedia.net.
Paśla aktyvistki paviedamlali, što biełaruskija śpiecsłužby zatrymali ich, nočču vazili ŭ aŭtobusie, raspranali, abrezali vałasy, paśla čaho vykinuli biez dakumientaŭ u lesie.