kremlin.ru
Ahulnaja viera i kultura ruskich, ukraincaŭ i biełarusaŭ — heta nie tolki sposab zachavańnia ich nacyjanalnaj identyčnaści, ale i faktar, jaki zabiaśpiečvaje ŭpłyŭ na ŭvieś śviet adzinaha naroda, «jaki vyjšaŭ z kijeŭskaj kupieli chryščeńnia», zajaviŭ patryjarch Maskoŭski i ŭsiaje Rusi Kirył propaviedzi paśla śviatočnaj liturhii z nahody 1030-hodździa Chryščeńnia Rusi na Sabornaj płoščy Kramla, paviedamlaje ria.ru
«Siońnia całkam asablivy dzień dla ŭsiaho našaha naroda — pravasłaŭnaha naroda, prodki jakoha pryniali chryščeńnie ŭ kijeŭskaj kupieli. Tysiača tryccać hadoŭ historyi, jakaja pierapoŭnienaja była i radaściami, i smutkami, i pieramohami, i parazami, ale, niahledziačy na ciažkija vyprabavańni, narod naš zachavaŭ svaju vieru, nacyjanalnuju identyčnaść, zachavaŭ svaju kulturu. I nie prosta zachavaŭ, a šmatkroć uzmacniŭ», — skazaŭ patryjarch u propaviedzi paśla śviatočnaj liturhii z nahody 1030-hodździa Chryščeńnia Rusi na Sabornaj płoščy Kramla.
Jon rastłumačyŭ, što kali kaža «ruskaja kultura», to maje na ŭvazie i Ukrainu, i Rasiju, i Biełaruś, «bo ŭsio heta i jość Śviataja Ruś, i narod naš, jak nazyvali nas vizantyjcy ŭ časy śviatoha kniazia Uładzimira, nazyvaŭsia «Rasija» — ruskimi». «Voś u hetym sensie my ŭžyvajem hetaje słova», — skazaŭ patryjarch.
«Siońnia naša ahulnaja kultura i naša viera — heta nie tolki vyrašalny faktar zachavańnia nacyjanalnaj, duchoŭnaj sapraŭdnaści, ale i faktar, jaki zabiaśpiečvaje ŭpłyŭ naroda, jaki vyjšaŭ z kijeŭskaj kupieli chryščeńnia, na ŭvieś śviet», — dadaŭ kiraŭnik RPC.
