Bolš za kiłahram marychuany kanfiskavali supracoŭniki milicyi ŭ 16-hadovaha junaka ŭ Žłobinie, paviedamiŭ karespandentu BiełTA aficyjny pradstaŭnik UUS Homielskaha abłvykankama Vital Prystromaŭ.
28 lipienia apieratyŭniki narkakantrolu Žłobinskaha RAUS niedaloka ad čyhunačnaha vakzała zatrymali dziesiacikłaśnika 2002 hoda naradžeńnia. Pry sabie junak mieŭ palimierny pakiet sa zdrobnienym niavysušanym rečyvam raślinnaha pachodžańnia.
Fota UUS Homielskaha abłvykankama
Ekśpiertyza pakazała, što heta niebiaśpiečnaje narkatyčnaje rečyva, nie vykarystoŭvajecca ŭ miedycynskich metach, - marychuana.
Chłopiec patłumačyŭ, što kanopli znajšoŭ pablizu vioski Sałtanaŭka i narvaŭ dla svaich patreb. Ahulnaja vaha kanfiskavanaha skłaŭ amal 1,2 kh. Milicyjanty vyjechali na pakazanaje školnikam miesca i źniščyli jašče kala 15 kh dzikarosłych kanapiel. Raspačataja kryminalnaja sprava.
