Navukoŭcy vyjavili mutacyju hiena, jaki zapuskaje miechanizm źjaŭleńnia zmorščyn i vypadzieńnia vałasoŭ, paviedamlajuć infarmahienctvy.

Padrabiaznaje apisańnie vynikaŭ daśledavańnia apublikavana ŭ časopisie Cell Death & Disease. Doktar Kieša Sinhch i jaho kamanda z Univiersiteta Ałabamy (Birminhiem) vyvučali mitachandryjalnuju funkcyju. Mitachondryi vypracoŭvajuć enierhiju dla kletak, ale kali ich funkcyja zhasaje, pačynajecca stareńnie. Navukoŭcy vyjavili, što na hetuju funkcyju ŭpłyvaje jadzierny hienom, u jakim i vyjaŭlenaja mutacyja.

Dośledy pravodzilisia na łabaratornych myšach. Spačatku daśledčyki nazirali, jak žyvioły reahavali na źnižeńnie aktyŭnaści mitachondryj: myšy pačali słabieć, na skury źjavilisia zmorščyny, vypadała poŭść. Zatym navukoŭcy adklučyli mutacyju hiena — skura stała bolš hładkaj, poŭść pačała adrastać i pavysiłasia aktyŭnaść.

Heta adkryćcio zdolnaje ździejśnić revalucyju ŭ industryi pryhažości. Ekśpierty spadziajucca, što navukoŭcam udasca stvaryć leki, jakija zmohuć uzmacnić mitachandryjalnuju funkcyju i spynić stareńnie.

Клас
Панылы сорам
Ха-ха
Ого
Сумна
Абуральна