Śviedka pa spravie Fiadyniča i Komlika Julija Juchnaviec pryznałasia ŭ sudzie, što była ahientam KDB.
Julija Juchnaviec. Fota ź Instahrama
Juchnaviec pracavała ŭ prafsajuzie REP z 2014 pa 2016 hady na pasadzie sakratara. U jaje abaviazki ŭvachodziła składańnie zahadaŭ, karespandencyja, telefanavańni. Śviedka taksama zajaviła, što jana niekalki razoŭ vyjazdžała ŭ Vilniu, prykładna raz u miesiac, časam radziej, i pryvoziła adtul peŭnyja sumy.
— Julija Mikałajeŭna, vy možacie niešta dakładna paviedamić pra dziejnaść prafsajuza, Fiadyniča i Komlika ŭ 2011 i 2012 hadach? — udakładniła advakat.
— Nie, ja nie pracavała ŭ hety čas u prafsajuzie. Ja pracavała ŭ im z 2014 hoda, da hetaha z Komlikam i Fiadyničam nie była znajomaja, pra dziejnaść prafsajuza ničoha nie viedała, — zajaviła Juchnaviec.
— Vy hrošy pieraličyli tolki adzin raz? — spytała advakat Komlika Ludmiła Kazak.
— Tak, — adkazała Juchnaviec.
— A navošta vy ich sfatahrafavali?
— Dla asabistaj cikavaści.
— Navošta?
— Nu tamu što tady supracoŭničała z Kamitetam dziaržbiaśpieki.
— Ź jakoha momantu supracoŭničali?
— Z samaha pačatku.
— Z 2015 hoda supracoŭničali z KDB? U jakaści kaho?
— U jakaści ahienta.
U hety momant u zale pačuŭsia kryk «Hańba!» i apładysmienty.
— Vy za supracoŭnictva ŭznaharodžańnie atrymlivali? — udakładniła advakatka.
— Tak, atrymlivała, — adkazała Juchnaviec.