«Šukaju haspadaroŭ dla miecisa irłandskaha vaŭkadava. Brechtu kala 6 hod, 80 sm u karku. Kali sabaku byŭ hod, jon trapiŭ pad mašynu i mocna pakalečyŭ taz, tady i trapiŭ da nas z Todoram. Usio vylečyli, ale taz trochu kryvy i dahetul pabojvajecca mašyn… Pa charaktary jon spakojny, lubić znachodzicca pobač ź ludźmi i svajoj siabroŭkaj Plamaj.
Plama — dvaravaja sučka, jaki ŭzrost — nieviadoma, ale, padajecca, nie staraja, žyvie ŭ nas kala 4 hadoŭ… Biaźmierna zakachana ŭ Brechta. Plama — 56 sm u karku. Vielmi žvavaja, zakachanaja va ŭsich, kaho pryznała za svaich (astatnich, asabliva katoŭ, taksama mocna nienavidzić), maje kiepskuju rysu — kleptamanija… Mabyć, raniej žyłosia joj błaha, bo napačatku ŭsiaho bajałasia, nie viedała, što takoje piaščota, była ŭražana, kali ja jaje pieršy raz pahładziła, nie mahła jeści ź miski (krała adtul)…
Škada, što i my nie možam zastacca ź imi. U mianie dyk rviecca serca… Ale ja zaraz žyvu ŭ adnapakajoŭcy. Dumała, zmahu ŭziać choć kaho adnaho, ale maja kotka naradziła kacianiataŭ, tamu sabaka zaraz dla nas nie varyjant», — pišuć haspadary Brechta i Plamy.
Kali vas zacikaviŭ los hadavancaŭ siamji Kaškurevičaŭ, zvanicie na numar +375 29 6602784 (Todar).
