Pieršaha namieśnika staršyni praŭleńnia Biełkaapsajuza prysudzili da 7 hadoŭ pazbaŭleńnia voli, z kanfiskacyjaj majomaści, paviedamlaje BiełTA.
Mužčyna pryznany vinavatym u atrymańni chabaru asobaj, jakaja zajmaje adkaznuju pasadu. Adbyvać pakarańnie jon budzie ŭ kałonii ŭzmocnienaha režymu. Zhodna z rašeńniem suda, jon taksama pazbaŭleny prava zajmać peŭnyja pasady. Druhoha fihuranta — jaho davieranuju asobu — sud pryznaŭ vinavatym u davańni chabaru i prysudziŭ da 2 hadoŭ «chimii».
Pieršy namieśnik staršyni praŭleńnia Biełkaapsajuza ź vieraśnia 2015 hoda pa krasavika 2017-ha ŭ Minsku za niekalki razoŭ atrymaŭ chabaru na sumu bolš za $2,4 tysiačy ad svajoj davieranaj asoby za pahašeńnie padraździaleńniami Biełkaapsajuza kredytorskaj zapazyčanaści pierad firmaj.
