Na skryžavańni vulic Horkaha i Kamunalnaj kala 11.00 sutyknulisia aŭtamabili «Tajota Karoła» i «Sitrajen».
Pieršy ruchaŭsia z vulicy Horkaha ŭ bok vulicy Vilenskaj, a druhi vyjazdžaŭ z vulicy Kamunalnaj.
Kiroŭcy śćviardžajuć, što ruchalisia na zialony sihnał śviatłafora.
U «Sitrajenie» znachodzilisia dvoje dziaciej. Ad udaru 9-hadovaha chłopčyka, jaki nie byŭ pryšpileny, vykinuła praz akno na asfalt. U vyniku jon traŭmiravaŭ nahu i atrymaŭ parezy. Dziaŭčynka była pryšpilenaja i nie paciarpieła, ale razam z chłopčykam jaje taksama špitalizavali.
U aŭtamabili «Tajota Karoła» jechaŭ tolki kiroŭca. Ad udaru spracavali paduški biaśpieki, sam mužčyna nie paciarpieŭ.