Kiraŭnik Nacyjanalnaha banka padaryŭ rodnaj škole ŭnikalnaje faksimilnaje vydańnie «Knižnaja spadčyna Francyska Skaryny», vypuščanaje letaś i pryśviečanaje 500-hodździu biełaruskaha knihadrukavańnia.
Šmattomnaje faksimilnaje vydańnie «Knižnaja spadčyna Francyska Skaryny» ŭjaŭlaje saboj poŭny zbor knih, jakija byli nadrukavanyja Skarynam u Prazie (1517-1519) i Vilni (1522-1525).
U jaho asnovie — elektronnyja kopii vydańniaŭ pieršadrukara, što zachoŭvajucca ŭ biblijatekach i muziejach Biełarusi, Niamieččyny, Rasii, Ukrainy i inšych krain. Navukovy vydaviecki prajekt byŭ realizavany Nacyjanalnaj biblijatekaj Biełarusi i Bankam BiełVEB da 500-hodździa biełaruskaha i ŭschodniesłavianskaha knihadrukavańnia. Aŭtarami idei vystupili Bank BiełVEB, jaki ŭznačalvaŭ na toj momant Pavieł Kałaŭr, i kiraŭnik Nacyjanalnaj biblijateki Biełarusi Raman Matulski. Siońnia «Knižnuju spadčynu Franciška Skaryny» možna ŭbačyć u Biblijatecy AAN, Karaleŭskaj biblijatecy Bielhii, Nacyjanalnaj biblijatecy Vienhryi, najbujniejšych biblijatekach našaj krainy.
