Wikimedia Commons
Zasnavalnik kitajskaha internet-rytejlera Alibaba Džek Ma vyrašyŭ syści z kampanii 10 vieraśnia. Pra heta jon paviedamiŭ The New York Times.
U paniadziełak miljarderu spoŭnicca 54 hady. Taksama ŭ hety dzień, 10 vieraśnia ŭ Kitai budzie adznačacca Dzień nastaŭnika. Da zasnavańnia Alibaba Džek Ma byŭ nastaŭnikam anhlijskaj movy.
Jak śćviardžaje vydańnie, Ma sychodzić na piensiju z-za taho, što ŭ Kitai sapsavałasia biznes-asiarodździe, a dziaržaŭnyja pradpryjemstvy ŭsio čaściej ŭmiešvajucca ŭ pracu pryvatnych kampanij. Pry hetym NYT adznačaje, što Ma zastaniecca ŭ saviecie dyrektaraŭ Alibaba i budzie nastaŭlać kiraŭnictva kampanii. U intervju vydańniu Džek Ma nazvaŭ svoj sychod na piensiju «pačatkam novaj ery».
Stan Džeka Ma Forbes aceńvajecca ŭ $ 36,6 młrd. U 1999 hodzie jon zasnavaŭ kampaniju Alibaba, jakaja stała adnym z najbujniejšych rytejleraŭ śvietu.
