Rasija destabilizuje stanovišča ŭ šmatlikich respublikach byłoha SSSR. Pra heta zajaviła kancler Hiermanii niamieckim vajskoŭcam, jakija zaraz dysłakujucca ŭ Litvie, piša DW.
Fota: Instagram Mierkiel.
Rasija destabilizuje abstanoŭku va Ukrainie, Hruzii, Armienii, Małdovie i Azierbajdžanie.
«My bačym, što, pa sutnaści, amal usie byłyja savieckija respubliki, jakija nie ŭvachodziać u skład ES i NATA, sutykajucca z ŭnutranymi kanfliktami, sparodžanymi Rasijaj», — skazała kiraŭnik hiermanskaha ŭrada.
Siońnia ŭsie hetyja dziaržavy zaniatyja adnaŭleńniem svajoj terytaryjalnaj cełasnaści, pakolki Rasija albo adździaliła častki ich terytoryj, albo raspaliła tam kanflikty, dadała Mierkiel. U jakaści prykładu jana nazvała situacyju va Ukrainie, Hruzii, Armienii, Małdovie i Azierbajdžanie.
Padraździaleńni bundeśviera, jakija znachodziacca ŭ krainach Bałtyi ŭ ramkach misii NATA, nieabchodnyja dla strymlivańnia hibrydnaj vajny, jakuju viadzie Rasija. Da hetaj vajny adnosiacca i kibierataki, adznačyła Anhieła Mierkiel.
