U Jehipcie aryštavali dvuch synoŭ byłoha prezidenta Chośni Mubaraka pa abvinavačvańni ŭ manipulacyjach na fondavym rynku.
Ałaa i Hamala Mubaraka abvinavačvajuć u parušeńni rehulacyj fondavaha rynku i centralnaha banka, paviedamlaje bbc.com sa spasyłkaj na dziaržaŭnaje infarmacyjnaje ahienctva Mena.
Sprava suprać ich raspačali ŭ 2012 hodzie, paśla taho, jak ich baćku źniali z pasady. Braty znachodzilisia na voli na praciahu troch hadoŭ paśla vypłaty zakładu.
Padazravanych abvinavačvajuć u rastracie 115 młn dalaraŭ.
Ałaa - biznesmen, jaki zaŭsiody zastavaŭsia pa-za palitykaj, tady jak Hamal - były bankir, jakoha ličyli pierajemnikam baćki, pierš čym samoha Mubaraka, skinuli padčas «arabskaj viasny» ŭ 2011 hodzie.
Užo tady bratoŭ aryštavali pa šerahu abvinavačvańniaŭ i razam z baćkam prysudzili da troch hadoŭ za kratami za rastratu dziaržaŭnych srodkaŭ.
U 2017 hodzie jehipiecki sud vyzvaliŭ 90-hadovaha byłoha prezidenta, jaki kiravaŭ krainaj na praciahu troch dziesiacihodździaŭ, paśla taho, jak byli adchilenyja abvinavačvańni suprać jaho ŭ hibieli pratestoŭcaŭ u 2011 hodzie.
