Fiestyval «Vosieńskija śviaty» prachodzić u Vierchnim horadzie 16 vieraśnia, piša ahienctva «Minsk-Naviny».
- Tradycyjnaja muzyka, tancy, kuchnia - my znoŭ havorym Minsku «Šałom!», - raskryvaje padrabiaznaści ŭračystaści pres-sakratar Sajuza biełaruskich jaŭrejskich hramadskich abjadnańniaŭ i abščyn Viktoryja Dziemidziuk. - Jak zvyčajna, śviata nie abydziecca biez cymusu i jabłykaŭ ź miodam: kab hod byŭ takim ža sałodkim i ŭdałym.
Maca i fałafiel, skrypka i «Chava Nahiła», humar i mudraść - haściej čakaje tradycyjnaje habrejskija raznastajnaść. Jany pačujuć, jak hučyć rytualny roh - šofar, navučacca tancavać 7.40, daviedajucca, navošta judei nosiać kipu. Vałanciory supołak praviaduć roznyja majstar-kłasy jak dla małych, tak i dla ludziej «załatoha» vieku.
Udzielniki jaŭrejskaha kulturnaha tavarystva «Emuna» prezentujuć svaje prahramy. Siarod ich dziciačy prajekt «Mazł Tav», škoła rańniaha raźvićcia «Step», moładzievy ruch «Škoła madrychaŭ» i inšyja.
- Śviata habrejskaj kultury - adno ź niamnohich mierapryjemstvaŭ, dzie abjadnoŭvajucca pradstaŭniki ŭsich nakirunkaŭ iudaizmu, - praciahvaje V. Dziemidziuk. - minčuki daviedajucca, čym žyvie kožnaja z supołak, zmohuć pahutaryć z ravinam, ubačać vystup ansamblaŭ «Šałom», «Viciebskija dziaŭčaty» i inšych artystaŭ. A ŭ viačernim kancercie praśpiavaje finalistka televizijnaha šou «Hołas 4» Ała Ryd (Maskva).