Pra heta paviedamlaje sajt UUS Homielskaha abłvykankama. Učora, 15 vieraśnia a 22.50 u Lelčycki RAUS pastupiła paviedamleńnie ad žychara Turava Žytkavickaha rajona. Mužčyna paviedamiŭ pra toje, što źnikli čatyry žančyny: 1964, 1936, 1937 i 1941 hoda naradžeńnia. Siabroŭki a 7.40 pajšli ŭ les kala v. Symonicki Młynok Lelčyckaha rajona i ich miescaznachodžańnia nieviadoma.
Dla vyšuku źnikłych byŭ uźniaty asabisty skład Lelčyckaha RAUS, pryciahnutyja siły rabotnikaŭ MNS, leśnikoŭ, hramadskaści. Pošuki praciahvalisia ŭsiu noč. Vielmi dapamahli leśniki. Bieź ich praktyčna niemahčyma aryjentavacca ŭ hustych lasach rajona. Na ščaście, usio skončyłasia dobra.
16 vieraśnia ŭ 11.00 hadzin žančyny byli znojdzienyja za 5 kiłamietraŭ ad vioski Toniež Lelčyckaha rajona. Ich stan aceńvajecca jak zdavalniajučy. Jany zajšli tak daloka, bo adna ź ich da pierajezdu ŭ Žytkavicki rajon pražyvała ŭ hetych miescach. Tamu i prapanavała siabroŭkam adpravicca ŭ les źbirać žuraviny.
