Šmat šumu ŭ sietcy narabiła vykazvańnie aŭtara haziety Administracyi prezidenta «SB: Biełaruś siońnia» Maksima Vosipava, jaki publična zadaŭsia pytańniem, ci majuć prava zavodzić dziaciej ludzi, u jakich niama aŭtamabila.
Čytajcie: Ahladalnik «SB» Maksim Osipaŭ: Ci majuć maralnaje prava ludzi biez srodkaŭ na mašynu ci taksi zavodzić dziaciej?
Maksim Osipaŭ, fota sb.by
Ludzi aktyŭna abmiarkoŭvali pazicyju žurnalista dziaržaŭnaj haziety, a toj, tym časam, zadaŭsia novym pytańniem u kantekście abmierkavańnia kampanii «Biełavia».
«Dla siabie ja vyrašyŭ: pierapłaču dvojčy, ale lotać budu «Aerafłotam». Tam i hodny abied daduć, a nie buterbrod, i ściuardesy pryhožyja. A ŭ «Biełavia» lacieli z mamaj u krasaviku — była niejkaja pačvara z ekzemaj na tvary. Ja jaje nie vinavaču — heta žyćcio. Ale ci možna z urodlivaj rožaj absłuhoŭvać pasažyraŭ????», — napisaŭ Vosipaŭ.
U adkaz žurnalistu ŭ roznych formach zaŭvažali, što jaho taksama zvać nie Alen, a proźvišča jahonaje nie Dełon.
Cikava, što ŭ paralelnym abmierkavańni vykazaŭsia namieśnik dyrektara «Biełavia» Ihar Čarhiniec, jaki paviedamiŭ, što ŭ sacyjalnych sietkach hetaj kampanii Vosipaŭ zabanieny za paraŭnańnie ŭkraincaŭ z fašystami.
Čytajcie taksama: Palityčny ahladalnik «Sovietskoj Biełoruśsii»: «Polšča — kraina-vyradak. Horšaja chiba što Ukraina»
