Francuzskaja palicyja pačała rasśledavańnie pa fakcie zajavy ab źniknieńni prezidenta Mižnarodnaj arhanizacyi kryminalnaj palicyi (Interpał) Mena Chunveja, paviedamlaje Reuters.
Fota z sajta Interpała
U palicyju źviarnułasia žonka Mena, jakaja žyvie ŭ Lijonie, horadzie, dzie raźmieščana štab-kvatera Interpała. Pavodle jaje słoŭ, muž adpraviŭsia ŭ kancy vieraśnia ŭ adpačynak na radzimu, u Kitaj. Z tych časoŭ jana straciła ź im suviaź.
«Telefanavańni pres-sakratara Interpała zastalisia biez adkazu», - udakładniaje ahienctva.
Ab rasśledavańni źniknieńnia Mena paviedamlaje taksama radyjostancyja Europe 1. Pa dadzienych radyjostancyi, jon pakinuŭ Francyju ŭ subotu, 29 vieraśnia, i nakiravaŭsia ŭ Kitaj. Z tych časoŭ nijakaj infarmacyi pra jaho blizkija nie atrymlivali.
Men Chunviej byŭ abrany prezidentam Interpoła ŭ listapadzie 2016 hoda, termin jaho paŭnamoctvaŭ kančajecca ŭ 2020 hodzie.
Da pierachodu ŭ Interpał Men byŭ namieśnikam ministra hramadskaj biaśpieki Kitaja, havorycca ŭ daviedcy na sajcie Interpała. Raniej jon zajmaŭ niekalki pasadaŭ ŭ Ministerstvie hramadskaj biaśpieki Kitaja.
