Kiraŭnik Dziaržpahransłužby Ukrainy Piatro Cyhikał źniapraŭdziŭ słovy Alaksandra Łukašenki pra pavieličeńnie kolkaści niezakonnych pastavak zbroi z Ukrainy ŭ Biełaruś, paviedamlaje «Ukrinfarm».
Piatro Cyhikał. Fota: dpsu.gov.ua.
Pa słovach Cyhikała, krainy «štomiesiac abmieńvajucca spravazdačami» i raniej pieršy namieśnik pahraničnaha viedamstva Biełarusi na sustrečy z ukrainskim kaleham «zapeŭniŭ, što nijakich faktaŭ pieramiaščeńnia zbroi ŭ ich niama». Kiraŭnik Dziaržpahransłužby Ukrainy dadaŭ, što nie stanie kamientavać palityčnyja zajavy, ale ŭ jaho jość infarmacyja pra «vialiki hrašovy tranš» z Rasii ŭ Biełaruś, što mahło paŭpłyvać «na palityčnyja zajavy».
Namiery biełaruskaha boku pavialičyć kolkaść pamiežnikaŭ adpaviadajuć patrabavańniam času, upeŭnieny Cyhikał. Jon dadaŭ, što hetaksama robić i Ukraina: ciapier padraździaleńni Dziaržpahransłužby znachodziacca bližej da miažy i achoŭvajuć učastki pamieram 20 kiłamietraŭ, a nie 100 kiłamietraŭ, jak było raniej.
