Prakuratura Saudaŭskaj Aravii zapatrabavała pakarać śmierciu piaciarych padazravanych u zabojstvie saudaŭskaha žurnalista Džamala Chašohi na terytoryi hienkonsulstva krainy ŭ Turcyi. Pra heta paviedamlaje Al Arabiya.
Pavodle abvinavačvańnia, niechta z supracoŭnikaŭ saudaŭskaha konsulstva adklučyŭ usie kamiery nazirańnia ŭ momant ździajśnieńnia złačynstva. Prakurory ŭpeŭnienyja, što hetyja piaciora padazravanych vynieśli rasčlenienaje cieła Chašohi z terytoryi konsulstva.
Pradstaŭnik abvinavačvańnia dadaŭ, što Saudaŭskaja Aravija paprasiła Turcyju dać karaleŭstvu dokazy i aŭdyjazapisy, jakija tyčacca hetaj spravy. Adnak prakuratura dahetul čakaje, kab Stambuł vykanaŭ prośbu.
Hienprakuror Saudaŭskaj Aravii paviedamiŭ, što pa spravie ab zabojstvie Chašohi zatrymany 21 padazravany, aficyjnyja abvinavačvańni pradjavili 11 ź ich.