Vieniesuelski ŭrad niadaŭna vypuściŭ ID-karty dla hramadzian «carnet de la patria», jakija vykarystoŭvajucca va ŭsich śfierach: ad kupli lhotnych tavaraŭ da zapisu da doktara. Žurnalisty Reuters vyśvietlili, što ŭrad hetaj krainy padpisvaŭ kantrakt z kitajskim telekamunikacyjnym hihantam ZTE na pabudovu hihanckaj bazy danych, źviazanaj z hetymi ID-kartami.
Akazałasia, što ŭłady Vieniesueły nie tolki identyfikujuć hramadzian takim čynam, ale i sočać za imi. Letaś apazicyjnyja chakiery ŭzłamali hetuju bazu danych. Akazałasia, što ŭ joj znachodzicca samaja padrabiaznaja infarmacyja pra kožnaha hramadzianina, u jakoha jość takaja kartka.
Viadoma, što ŭłady płacili hramadzianam Vieniesueły hrošy za atrymańnie hetaj karty. Užo bolš za pałovu vieniesuelcaŭ jaje atrymali.
Taksama žurnalisty śćviardžajuć, što ŭrad padpisaŭ z ZTE kantrakty na stvareńnie sistem videanazirańnia pa ŭsioj krainie.
U pradstaŭnictvie kampanii ŭ Vieniesuele skazali, što kampanija nie parušaje kitajskich i vieniesuelskich zakonaŭ.
