U subotu ŭviečary ŭ centry Ryhi sabralisia tysiačy ludziej. U honar 100-hodździa niezaležnaści Łatvii na centralnaj płoščy zładzili niešta padobnaje da našaha śpieŭnaha schodu, pieradaje karespandent «Našaj Nivy» z Ryhi. Staršakłaśniki śpiavali łatyšskija himny pad supravadžeńnie arkiestru. U dziaŭčyn u vałasach byli zaplecienyja stužki koleru ściaha Łatvii, u chłopcaŭ takija ž — na zaplečnikach i kurtkach. Šmat šalikaŭ i šapak z nacyjanalnymi matyvami.
Ludziej było vielmi šmat — i jak łatyšskamoŭnych, hetak i ruskamoŭnych. 50 na 50, jak i ŭ cełym pa Ryzie. Jasna, što nijakaj palicyi.
Natchniała, što 25 Sakavika hetaj viasnoj u Biełarusi ŭ kudy mienš spryjalnych umovach, biez dapamohi ŭłady, atrymałasia zrabić śviata prynamsi nie horšaje za łatvijskaje.
Siońnia ž, u niadzielu, u Ryzie sabralisia kiraŭniki bałtyjskich i skandynaŭskich krain. Pryjechali kiraŭniki Estonii, Finlandyi i Isłandyi.
