flickr.com
Ministr abarony Polščy Maryjuš Błaščak vystupiŭ suprać stvareńnia ŭ ES struktur, jakija mahli b kankuravać z NATA. U časie vizitu ŭ Brusel kiraŭnik abaronnaha viedamstva Polščy padkreśliŭ, što Jeŭrasajuz nie byŭ stvorany z metaj stvareńnia sumiesnaj sistemy abarony, pieradaje Polskaje radyjo.
«Dla hetaha byŭ stvorany Paŭnočnaatłantyčny aljans. NATA źjaŭlajecca sistemaj sumiesnaj abarony, jakuju nieabchodna ŭmacoŭvać i raźvivać. Heta naša ahulnaja zadańnie. I ŭ hetym mierkavańni sychodzicca bolšaść ministraŭ abarony ES», — adznačyŭ Maryjuš Błaščak
Bačańnie adzinaj jeŭrapiejskaj armii na minułym tydni vykazała kancler Niamieččyny Anhieła Mierkiel. Na jaje dumku, takoje farmiravańnie «prademanstravała b śvietu, što vajna pamiž krainami Jeŭropy vyklučana nazaŭždy». Pavodle Anhieły Mierkiel, armija ES była b nie alternatyvaj NATA, a dadatkam Aljansu.
