SK zaviaršyŭ rasśledavańnie spravy ab zachopie 18 lipienia ŭ adździaleńni banka ŭ Zasłaŭi 46-hadovym mužčynam u zakładnicy svajoj 23-hadovaj dački. U chodzie śpiecapieracyi pa vyzvaleńni zakładnicy padazravany byŭ likvidavany.
Nahadajem, što ŭ toj dzień paciarpiełaja pa patrabavańni fihuranta pryjšła ŭ bank pieraaformić na siabie ŭziaty im kredyt. U momant padpisańnia dakumientaŭ jon u stanie ałkaholnaha apjanieńnia prystaviŭ da jaje šyi nož, patrabujučy spynić dačynieńni ź jaje maładym čałaviekam. Zachapiŭšy paciarpiełuju, jon nanios joj 15 ran na šyi i 6 ran na palcach ruk.
Zhodna z zaklučeńniem paśmiarotnaj psichołaha-psichijatryčnaj ekśpiertyzy, padazravany padčas učynieńnia złačynstva nie chvareŭ na jakoje-niebudź psichičnaje rasstrojstva i moh uśviedamlać niebiaśpieku svaich dziejańniaŭ i kiravać imi.
Taksama stała viadoma, što mužčyna na praciahu mnohich hadoŭ ździajśniaŭ supraćpraŭnyja dziejańni ŭ adnosinach da dački. Jon sistematyčna katavaŭ, źbivaŭ, pryčyniaŭ cialesnyja paškodžańni. Za tydzień da zdareńnia ŭ chodzie svarki mužčyna na hlebie reŭnaści pahražaŭ nažom dačce i pryčyniŭ joj rezanuju ranu šyi. Raniej mužčyna byŭ nieadnarazova sudzimy, u tym liku za ździajśnieńnie razboju i rabavańnia.
