Siońnia stała viadoma, što rasstralany jašče adzin z «čornych ryełtaraŭ» Ihar Hieršankoŭ. U Mahiloŭskim abłasnym sudzie jaho maci paćvierdzili, što prysud pryviedzieny ŭ vykanańnie, paviedamlaje spring96.org
Učora stała viadoma, što vykanany śmiarotny prysud u dačynieńni da Siamiona Bieražnoha. I Hieršankoŭ, i Bieražny byli asudžanyja da śmiarotnaha pakarańnia Mahiloŭskim abłasnym sudom 21 lipienia 2017 hoda.
Tady ž Taćciana Hieršankova była asudžana na 24 hady kałonii ahulnaha režymu z kanfiskacyjaj majomaści, a Barys Kaleśnikaŭ — 22 hady i 1 miesiac kałonii strohaha režymu z kanfiskacyjaj majomaści.
Uletku Ihar Hieršankoŭ abviaščaŭ haładoŭku, damahajučysia prava na pierapisku.
Złamyśniki dziejničali ŭ 2009—2015 hadach, nahadvaje TUT.BY. Jany pierakonvali ŭłaśnikaŭ kvater pradać majomaść, a paśla hetaha zabivali ich. Na mohiłkach u Mahiloŭskaj vobłaści było znojdziena šeść pachavańniaŭ i jašče try jamy, pryhatavanyja dla budučych achviar. Niekatorych, jak prahučała padčas sudovaha pasiadžeńnia, zakopvali žyŭcom: čałaviek u hety čas spaŭ pad uździejańniem harełki i kłafielinu.