Fota cikavostki prezientavali padčas inviestycyjnaha foruma BelarusCrossway, jaki zładziŭ dziaržaŭny Bank raźvićcia. Impreza była vysokaha ŭzroŭniu — na forumie vystupali premjer-ministr Siarhiej Rumas, kiraŭnictva Ministerstva finansaŭ, Nacbanka, inšyja čynoŭniki i zamiežnyja inviestary.
Padčas adnoj z pramovaŭ na ekran vyvieli vyjavu futurystyčnaha miechanizma ad Minskaha traktarnaha zavodu. Pa słovach maderatara, jaje stvaryŭ małady dyzajnier Alaksandr Nasyr, jaki pracuje ciapier u MTZ.
«I heta nie futurystyčny malunak, hety aparat možna stvaryć užo na hruncie technałohij, jakija siońnia isnujuć», — zapeŭniŭ maderatar.
Pabačyć videazapis hetaha momantu možna tut.
Vidać, havorka idzie ŭsio-taki pra fantaziju dyzajniera, a nie pra kankretnuju napracoŭku. Tym nie mienš, forum pakazvaje, što ŭłady sprabujuć dumać napierad.
«Ctruktura biełaruskaj ekanomiki praz 10 hadoŭ — heta aj-ci-Miekka, i na płoščach byłych pramysłovych hihantaŭ buduć muziei, vystavy, svabodnyja prastory, ci biełaruskija BiełAZ, MAZ, MTZ zrobiacca novymi Tesłami?» — spytaŭsia va ŭdzielnikaŭ maderatar.
A jak dumajecie vy?