16 lutaha ŭ minskim Pałacy prafsajuzaŭ adbudziecca vialiki jubilejny kancert, prymierkavany da 60-hodździa aŭtara «Smutnaha biełaruskaha bluzu».
Budzie prezientacyja novaha alboma, a taksama prahučać užo znajomyja słuchačam najlepšyja kampazicyi artysta.
- Vydumlać asabliva ničoha nie budziem — zrobim usio pa-ludsku, tradycyjna, — kamientuje Viktar Šałkievič. — Uvohule, 60 — heta nie tyja hady, kab spyniacca, razdzirać na sabie vopratku i lamantavać, maŭlaŭ, «Ach, jak usio zamiačacielna, jaki ja kłasičny i charošy, što takuju razorynu ŭ mastactvie paśla siabie pakinuŭ!» - razvažaje Šałkievič. — Treba žyć štodnia, treba isci ŭ toj bok, adkul pačynaje śviacić sonca, i ŭsio budzie dobra. Treba biaskonca zachaplacca ludźmi, rečami i źjavami vakoł nas!»
«Na scenu razam sa mnoj tradycyjna vyjduć maje staryja dobryja siabry hitaryst Jury Chilaviec i pijanist Anatol Kandyba, - raspaviadaje artyst. — Uvohule, na kožnym kancercie zaŭždy byvaje niešta novaje i cikavaje. Jubilejnaja impreza tym bolš nie stanie vyklučeńniem!»
Takim čynam: 16 lutaha, 19:00, Respublikanski Pałac kultury prafsajuzaŭ (Minsk, pr. Niezaležnaści, 25).
Kvitki kaštujuć ad 19 da 33 rubloŭ. Ich možna nabyć anłajn praz Afisha NNBY.
Pieršyja sto čytačoŭ, jakija nabuduć kvitki praz sajt NN, atrymajuć ad arhanizataraŭ kampakt-dysk ź pieśniami Šałkieviča pry ŭvachodzie ŭ zału.
