30 listapada na trasie R-82, kala ahraharadka Čyrkavičy ŭ Śvietłahorskim rajonie, sutyknulisia dva aŭtamabili. U vyniku milicejskaja mašyna apynułasia pierakulenaj u kiuviecie, paviedamlaje «Ranak».
Aŭtamabil VAZ Śvietłahorskaha adździeła Departamienta achovy, u jakim znachodzilisia dva supracoŭniki i słužbovy sabaka, ruchaŭsia z boku Paryč. Z boku Žłobina da skryžavańnia padjazdžaŭ pazadarožnik BMV. Vyjazdžajučy na hałoŭnuju darohu, kiroŭca «bumiera» začapiŭ žyhuli.
Ad udaru VAZ vylecieŭ u kiuviet i pierakuliŭsia. Ludzi nie paciarpieli, ale sabaka pa mianušcy Hiera atrymaŭ niaznačnyja traŭmy, bo jaho vykinuła z sałona aŭtamabila.
Na miescy avaryi nieŭzabavie źjavilisia supracoŭniki dziaržaŭtainśpiekcyi. Im treba budzie razabracca, chto ŭsio ž vinavaty ŭ zdareńni.
