20 listapada ŭ viciebskuju milicyju pastupiła zajavu ab kradziažy paŭpryčepa-refryžeratara Schmitz koštam kala 12 tysiač jeŭra. Jon źnik z-pad stajanki, jakaja achoŭvajecca. Jak?
Supracoŭniki kryminalnaha vyšuku pierahledzieli miesiac zapisaŭ kamiery videanazirańnia i vyśvietlili, što pryčep źnik u kancy kastryčnika. Na kamieru trapiŭ momant, kali nieviadomy mužčyna na ciahačy «Volva» z rehistracyjnymi numarami Jeŭrasajuza pryčapiŭ refryžeratar i źjechaŭ.
Jak vyznačyła viciebskaja milicyja, 45-hadovy mužčyna, jaki mieŭ dostup da klučoŭ ad ciahača svajho znajomaha, skarystaŭsia aŭtamabilem, papiarednie źmianiŭšy biełaruskija rehistracyjnyja numary na numary Jeŭrasajuza. Uviečary 29 kastryčnika jon zajechaŭ na stajanku i vykraŭ paŭpryčep. Adbuksiravaŭšy jaho ŭ haradski pasiołak kala Viciebska, mužčyna viarnuŭ ciahač na miesca.
Na praciahu niekalkich dzion jon źmianiŭ pryčep — pafarbavaŭ niekatoryja elemienty, źmianiŭ nalepki, a taksama zrabiŭ zachady dla źniščeńnia identyfikacyjnych numaroŭ.
Viciebčuk byŭ zatrymany supracoŭnikami ŭpraŭleńnia kryminalnaha vyšuku UUS Viciebskaha abłvykankama ŭnačy 19 śniežnia pry buksiroŭcy skradzienaha refryžeratara.
Za kradziež u bujnym pamiery ŭ jaho dačynieńni zaviali kryminalnuju spravu. Taksama vyrašajecca pytańnie ab pryciahnieńni jaho da adkaznaści za kradziež ciahača «Volva» i źmienu numarnych identyfikacyjnych znakaŭ paŭpryčepa.