Fota: youtube.com
Kinakampanija Fox i Disney płanujuć pierazapuścić kamiedyju «Adzin doma». Hledača čakaje nie rymiejk, a praciah karciny z novymi hierojami, pišuć «Iźviestija».
Scenar da filma napišuć komiki Majki Dej i Stryter Siejdeł, udzielniki šou «Subotnim viečaram u pramym efiry». Režysior karciny pakul kančatkova nie vyznačany.
Hałoŭnuju rolu ŭ filmie moža vykanać Makolej Kałkin, jaki zdymaŭsia ŭ dvuch pieršych filmach.
Taksama viaducca pieramovy z komikam Uiłam Fierełam i Mielisaj Makarci («Dziavočnik ŭ Viehasie», «Palaŭničyja za pryvidami», «Majk i Moli»).
Film «Adzin doma» Krysa Kałambusa i Džona Chjuza vyjšaŭ u 1990 hodzie. U 1992-m vyjšaŭ sikvieł, u 1997-m — trykvieł, užo biez Kałkina, ale sa Skarlet Jochansan. Paźniej źjavilisia čaćviortaja (2002) i piataja (2012) častki.
20 śniežnia Kałkin praz 30 hadoŭ paśla zdymak u filmie «Adzin doma» paŭtaryŭ kultavyja sceny z karciny ŭ rekłamnym roliku hałasavoha pamočnika Google.
Pavodle scenara rolika, apublikavanaha ŭ akaŭncie kampanii ŭ YouTube, hałoŭny hieroj, jaki staŭ darosłym, u navahodnija śviaty znoŭ zastajecca doma adzin, adnak jamu na dapamohu prychodzić siervis Google, jaki vyrašaje ŭsie prablemy. Hałasavy pamočnik stvaraje iluziju taho, što ŭ domie znachodziacca ludzi i kiruje sistemaj «razumny dom».