pxhere.com
Cana fjučersa na naftu marki Brent z pastaŭkaj u sakaviku 2019 hoda ŭ chodzie tarhoŭ na biržy ICE ŭ Łondanie ŭpała nižej za $51 za barel ($50,72 na 21:25). U apošni raz Brent tarhavałasia na takim uzroŭni ŭ žniŭni 2017 hoda, piša RBK.
Niekalki hadzin tamu (20:00) cana nafty Brent składała $51,89 za barel. Takija dadzienyja tarhoŭ pryvodziŭ TASS.
Cana lutaŭskich fjučersaŭ na naftu marki WTI siońnia apuskałasia bolš jak na 6%, da $42,97 za barel.
Tak inviestary reahujuć na situacyju na rynkach na fonie prablem ź biudžetam ZŠA. U Štatach adbyłosia treciaje za hod častkovaje spynieńnie finansavańnia pracy ŭradavych ustanoŭ (shutdown) praz toje, što kanhres nie paśpieŭ ŭzhadnić novy biudžet. Prezident ZŠA Donald Tramp zajaviŭ, što nie budzie padpisvać dakumient, kali jon nie budzie ŭklučać finansavańnie budaŭnictva ściany na miažy ź Mieksikaj. Suprać hetaha, jak marnavańnia hrošaj, vystupajuć demakraty.
Analityki prahnazujuć, što jak minimum da Novaha hoda ceny na naftu buduć źnižacca ŭ suviazi z aściarohami nakont praźmiernaj kolkaści syraviny na rynku.
