Dziaržaŭny kancern «Turkmienchimija» admaŭlajecca viartać budaŭničuju techniku koštam kala $7 miljonaŭ, jakaja naležyć biełaruskaj kampanii «Biełharchimpram». Hetu kampaniju Turkmienistan najmaŭ dla budaŭnictva Harłykskaha horna-abahačalnaha kambinata, pišuć «Altiernativnyje novosti Turkmienistana».
Turkmienski bok užo amal dva hady nie addaje biełaruskamu padradčyku jaho majomaść, spasyłałasia pry hetym na nievykanańnie «Biełharchimpramam» abaviazacielstvaŭ pa kantrakcie.
«Turkmienchimija» praciahvaje majomasnuju sprečku, niahledziačy na toje, što jašče ŭ sakaviku 2017 hoda Turkmienistan padpisaŭ usie dakumienty ab pryjomcy Harłykskaha kambinata i pravioŭ uračystuju cyrymoniju jaho ŭvodu ŭ ekspłuatacyju z udziełam Alaksandra Łukašenki i Hurbanhuły Bierdymuchamiedava.
