Pavuka-ptuškajeda, jaki napaŭ na aposuma, upieršyniu źniali na videa. Pra heta paviedamlaje Lenta.ru sa spasyłkaj na National Geographic.
Bijołahi z univiersiteta Mičyhana zaŭvažyli pavuka ŭ džunhlach Pieru, kali jon užo schapiŭ zdabyču. Dziciania aposuma supraciŭlałasia kala 30 siekund, paśla čaho pierastała padavać prykmiety žyćcia. Pa słovach vidavočcaŭ, pavuk byŭ vieličynioj z talerku (prykładna 30 santymietraŭ),
Daśledčyki zadakumientavali bolš za dziesiać vypadkaŭ, kali pazvanočnyja žyvioły stanavilisia zdabyčaj biespazvanočnych. U pryvatnaści, im udałosia sfatahrafavać i źniać na videa biespazvanočnych, jakija jaduć jaščarak, źmiej i ličynak amfibij.
Pavuki-ptuškajedy siłkujucca pieravažna nasiakomymi i drabniejšymi pavukami. Akramia taho, jany niaredka palujuć na drobnych hryzunoŭ, ptušak i ryb. U adroźnieńnie ad inšych vidaŭ pavukoŭ, ptuškajedy nie platuć pavucińnie, a pilnujuć zdabyču ŭ zasadzie.
