BISS padrychtavaŭ detalizavany ahlad mižnarodnych rejtynhaŭ. U źviazku z nabližeńniem dźviuch vybarčych kampanij hety ahlad moža stać dla palityčnych aktaraŭ važnaj sistemaj kaardynat u chodzie raspracoŭki svaich prahram i farmavańnia svajoj stratehii.
I. Piać rečaŭ, u jakich my — adny z najlepšych
- Palityčnaja transfarmacyja: Ciaham 2016 — 2018 hadoŭ u Biełarusi adbyŭsia samy vialiki pasiarod usich krain postsavieckaj Jeŭrazii prahres u płanie palityčnaj transfarmacyi
- Popyt na demakratyju: U płanie prymańnia demakratyi-jak-idei Biełaruś apieradžaje Polšču, Charvatyju i Čarnahoryju i znachodzicca pryblizna na tym ža ŭzroŭni, što Francyja.
- Ustanoŭka na supolnaje dabro: Biełaruś pieraŭzychodzić Finlandyju, Italiju i amal usie paŭdniovajeŭrapiejskija krainy pa pakaźniku ŭstanoŭki na supolnaje dabro
- Unutrydziaržaŭnaja aŭtanomija: Biełaruś pieraŭzychodzić Šviejcaryju i Vialikabrytaniju pa pakazčyku «unutrydziaržaŭnaj aŭtanomii»
- Žančyny ŭ trecim siektary: U płanie ŭdziełu žančyn u arhanizacyi hramadzianskaj supolnaści (AHS) situacyja ŭ Biełarusi lepšaja, čym u Polščy i pryblizna takaja ž, što ŭ Šviecyi. Ale… horšaja, čym u Bieninie abo Manholii.
II. Piać rečaŭ, u jakich my — siarod najhoršych
- Deliberatyŭny praces: U Biełarusi samy horšy z usich krain Jeŭropy pakaźnik deliberatyŭnaj kultury. Nas apieradžajuć taksama takija krainy, jak Vjetnam, Rasieja i Kitaj
- Stratehičnyja kampietencyi elitaŭ: U aśpiekcie stratehičnaj pryjarytetyzacyi Biełaruś adstaje navat ad Tadžykistana, Vjetnama i Zambii
- Akademičnaja svaboda i kulturnaja ekspresija: U płanie akademičnaj svabody i kulturnaj ekspresii Biełaruś krychu apieradžaje Rasieju i Kazachstan, ale adstaje ad Vjetnama, Afhanistana i bolšaści afrykanskich krain
- Budavańnie kansiensusu: Biełarusy nie ŭmiejuć budavać kansiensus pamiž saboj. U hetym płanie my znachodzimsia na 102 miescy siarod krain, što raźvivajucca, i adstajem ad takich krain, jak Azierbajdžan, Afhanistan, Rasieja, Vjetnam i Kuba
- Inavacyjnaść u pryniaćci rašeńniaŭ: U płanie inavacyjnaści i hnutkaści ŭ pryniaćci rašeńniaŭ Biełaruś znachodzicca ŭ toj samaj hrupie, što Azierbajdžan i Tadžykistan i adstaje ad Rasiei, Tureččyny, Ruandy, Vjetnama.
Čytać uvieś tekst u PDF.
0
0
0
0
0
0
