Na minułym tydni mabilnaja hrupa Branskaj mytni ŭ rajonie miastečka Krasnaja Hara la miažy ź Biełaruśsiu spyniła aŭtamabil, jakim kiravaŭ hramadzianin Biełarusi. U hruzavym adsieku jaho było znojdziena 39 karobak z zamarožanymi cvyrkunami ahulnaj vahoj 640 kh, paviedamlaje pres-słužba Raśsielhasnahlada.
Vytvorcam i adpraŭnikom cvyrkunoŭ značyłasia minskaje pradpryjemstva AAT «ONTA Bijatechnałohii», a nakiroŭvalisia jany ŭ Maskvu. Pakolki nieabchodnych vieterynarnych supravadžalnych dakumientaŭ na hruz nie było, zamarožanych cvyrkunoŭ źniščyli.
Jak paviedamlajecca na sajcie «ONTA Bijatechnałohii», hetaje biełaruskaje pradpryjemstva naładziła pramysłovuju hadoŭlu cvyrkunoŭ. Cvyrkunoŭ voziać na miasakambinat u Maskvu dla ŭpakoŭki ŭ blašanki, a paśla pradajuć na korm žyviołam. U Biełarusi pakul niama vytvorčaj linii, kab pakavać śviežych cvyrkunoŭ u kansiervy tak, kab pry hetym nie było patreby dadavać kansiervanty. Tamu ich i adpraŭlajuć u Rasiju.
Jaduć takich nasiakomych chatnija hryzuny, čarapachi, vožyki.
Hadoŭla cvyrkunoŭ — pieradavaja halina. U mnohich krainach muku z cvyrkunoŭ pačali vykarystoŭvać u čypsach dy inšych praduktach.
Mienavita taki hruz i adłavili na rasijskaj miažy, paviedamili ŭ «ONTA Bijatechnałohii».
