Pra heta kiraŭnik krainy zajaviŭ siońnia na pasiadžeńni Rady biaśpieki, piša BiełTA.
«Toje, čaho nam strašna nie chapaje, treba pašyryć śfieru ŭpłyvu ajčynnych srodkaŭ masavaj infarmacyi i nie bajacca vykarystoŭvać novyja formy pracy ŭ miedyjaprastory, — adznačyŭ Łukašenka. — Treba navučycca adkazvać raspaŭsiudnikam fejkaŭ ich ža zbrojaj. I my heta ŭmiejem rabić, ale čamu ličym: «Dy dobra, abydziecca, praniasie».
Jon źviarnuŭ uvahu, što hałoŭnaje — chutka, vyrazna, maksimalna poŭna danosić da ludziej praŭdzivuju infarmacyju. «Kali heta nie zrobim my, heta zrobiać za nas, jak ciapier niaredka adbyvajecca. Ale viedajecie, jakuju infarmacyju daniasuć za nas, kali my hetaha nie zrobim», — zaŭvažyŭ kiraŭnik dziaržavy.
Alaksandr Łukašenka pierakanany, što nieabchodna pradprymać miery pa pavyšeńni abjomu, raznastajnaści i jakaści nacyjanalnaha viaščańnia, davieru nasielnictva da aficyjnych maśmiedyja.
Patrabujecca taksama prapracavać pytańnie sistemnaha kantrolu za raspaŭsiudžvańniem niezakonnaj infarmacyi. «Pakul heta robicca ad vypadku da vypadku, časam z aściarohaj. Časam paśla razvah pra niejkija palityčnyja nastupstvy.
Usie, chto siadzić za hetym stałom i nasuprać mianie: vy — nie palityki, vy - ludzi, jakija vyrazna pracujuć pa svaim kirunku i abaraniajuć intaresy svajoj dziaržavy. Pakińcie palityku prezidentu», — skazaŭ jon.
Kiraŭnik dziaržavy padkreśliŭ: «Sprava nie ŭ tym, kab kamuści abmiežavać svabodu mierkavańniaŭ. Heta nie sa mnoj. Naturalna, pavinien być paradak, usio pavinna być zakonna. Zakony ŭ nas supierdemakratyčnyja, a dadać našu biaździejnaść i niedyscyplinavanaść - to ŭ nas uvohule nijakaj dyktatury, a poŭnaja demakratyja, jakoj ni ŭ adnoj krainie śvietu niama».
Pavodle słoŭ Alaksandra Łukašenki, u infarmacyjnaj śfiery pavinien być paradak, ale nichto nikomu nie pavinien zakryvać rot.
«U advarotnym vypadku, jak heta było ŭ nas raniej u historyi, usio pieraniasuć na kuchniu i tam buduć abmiarkoŭvać, jak u narodzie kažuć, absmoktvać usie hetyja pytańni. I rana ci pozna heta vypluchniecca na vulicu. Tamu hetaha ni ŭ jakim razie nielha rabić. Dy heta i niemahčyma: i nie tolki tamu što ŭ nas internet źjaviŭsia - źmianiłasia hramadstva, płanieta źmianiłasia. tamu zajmacca pustatoj nie treba — typu zabaraniać ludziam vykazvać svajo mierkavańnie. Ale kali heta mierkavańnie vydumana, nadumanaje, kali hetaja navina, źviazanaja ź jakim mierkavańniem, fejkavaja, vykažycie svaju pazicyju. Paviercie, praŭda zaŭsiody pieramoža», - adznačyŭ jon.
Jon dadaŭ, što ŭ infarmacyjnaj prastory pavinna być zručna i biaśpiečna ŭsim, a nie asobnym ludziam, jakija atrymlivajuć vyhadu za košt intaresaŭ inšych.
