Pra heta BiełTA paviedamiŭ ministr unutranych spraŭ Biełarusi Ihar Šunievič.
Adkazvajučy na pytańnie ab mierkavanaj kolkaści tych, kaho zakranie amnistyja, ministr skazaŭ: «Dakładnaha padliku my nie viali. Budziem aryjentavacca na papiarednija amnistyi, jakija prachodzili pry našaj padrychtoŭcy».
«Chutčej za ŭsio, budziem prapanoŭvać amnistavać peŭnyja katehoryi asob. Heta voiny-internacyjanalisty, vieterany vojnaŭ, vajennych kanfliktaŭ, baćki-adzinočki, u jakich jość niepaŭnaletnija dzieci, invalidy pa zdaroŭi, čarnobylcy i hetak dalej. Mahčyma, pa niekatorych składach złačynstvaŭ budzie prapanavana, vielmi časta pytajucca pra narkatyčnyja artykuły — 328-y (niezakonny abarot narkatyčnych srodkaŭ, psichatropnych rečyvaŭ, ich prekursoraŭ i anałahaŭ). Miarkuju, što možna razhledzieć pytańnie, i ja taksama budu heta prapanoŭvać, - skaracić na hod adbyćcio pakarańnia niekatorym katehoryjam asudžanych pa hetym artykule», — zajaviŭ ministr.
Ihar Šunievič adznačyŭ, što zakonaprajekt budzie ŭ najbližejšy čas padrychtavany i ŭniesieny ŭ parłamient, kab jaho paśpieli razhledzieć da Dnia Niezaležnaści.
