Biełaruski bok čakaje ad uładaŭ Polščy publičnych aficyjnych kamientaroŭ nakont pierahladu acenak dziejańniaŭ palavoha kamandzira Ramualda Rajsa (Buraha). Pra heta zajaviŭ BiełTA načalnik upraŭleńnia infarmacyi i ličbavaj dypłamatyi — pres-sakratar MZS Biełarusi Anatol Hłaz.
Zajavu ab pierahladzie acenak dziejańniaŭ Ramualda Rajsa apublikavali na sajcie Instytuta nacyjanalnaj pamiaci Polščy. Adkazvajučy na pytańnie, jak MZS Biełarusi maje namier reahavać na padobnyja kroki, pres-sakratar skazaŭ:
«Złačynca, jaki asabista addavaŭ zahad i ŭdzielničaŭ u zabojstvie mirnych žycharoŭ biełaruskich viosak na Padlaššy, nie moža być abieleny ni ŭ vačach biełarusaŭ, ni ŭ histaryčnaj pamiaci inšych razumnych ludziej. Polskimi navukoŭcami sabrana dastatkova dokazaŭ jaho złačynstvaŭ. Na asnovie faktaŭ, a nie tearetyčnych razvažańniaŭ zroblenyja adpaviednyja vysnovy śledstva kamisii Instytuta nacyjanalnaj pamiaci ŭ 2005 hodzie. Treba mieć stałaść i śmiełaść, kab heta pryznać».
«Našu asablivuju zakłapočanaść vyklikaŭ adkryty cynizm asobnych polskich «daśledčykaŭ», na vysnovy jakich abapirajecca zajava Instytuta nacyjanalnaj pamiaci. U pryvatnaści, u jaho apraŭdańnie jany kanstatujuć, što Bury mieŭ mahčymaść «spalić nie piać, a značna bolš biełaruskich viosak u paviecie Bielsk-Padlašski», — padkreśliŭ Anatol Hłaz.
«My čakajem ad uładaŭ Polščy publičnych aficyjnych kamientaroŭ nakont taho, ci źjaŭlajecca takaja acenka dziejańniaŭ Buraha aficyjnym punktam hledžańnia i nakolki heta suadnosicca z krokami pa vybudoŭvańni dyjałoha, u tym liku histaryčnaha, jakija byli zrobleny bakami ŭ apošni čas. Dla adpaviednych tłumačeńniaŭ u MZS vyklikany pasoł Polščy», — dadaŭ aficyjny pradstaŭnik biełaruskaha MZS.