Alaksandr Łukašenka pavinšavaŭ biełarusaŭ z Dniom Kanstytucyi, što adznačajecca siońnia.
«Roŭna 25 hadoŭ tamu byŭ pryniaty Asnoŭny Zakon našaj krainy, jaki adkryŭ novuju staronku ŭ šmatviakovaj historyi biełaruskaha naroda. Heta znakavaja padzieja dała mahčymaść realizavać imknieńnie mnohich pakaleńniaŭ biełarusaŭ być haspadarami na svajoj ziamli, žyć u svabodnym, spraviadlivym i stabilnym hramadstvie», — havorycca ŭ vinšavańni.
Kanstytucyja zakłała tryvałyja asnovy dziaržaŭnaha suvierenitetu i palityčnaha ŭparadkavańnia Biełarusi, ustanaviła harantyi sacyjalnych pravoŭ hramadzian, stvaryła ŭmovy dla zachavańnia i prymnažeńnia historyka-kulturnaj i duchoŭnaj spadčyny nacyi.
«Pierakanany, što naša moładź, jakaja tolki ŭstupaje ŭ žyćcio, uniasie svoj važki ŭkład va ŭmacavańnie niezaležnaj biełaruskaj dziaržavy», — adznačaje Łukašenka.