Troje mužčyn i dziaŭčyna padazrajucca ŭ insceniroŭcy DTZ i zamachu na atrymańnie strachavoj vypłaty.
Złačynstva było ździejśniena letaś u lipieni ŭ Minsku. Tady ŭ strachavoje tavarystva źviarnuŭsia 27-hadovy ŭradženiec Čačni z namieram atrymać hrašovuju kampiensacyju za paškodžańnie aŭto ŭ vyniku DTZ. Akazałasia, avaryju na praśpiekcie Rakasoŭskaha z udziełam niekalkich mašyn klijent vydumaŭ.
Napiaredadni inšaziemiec naŭmysna padrapaŭ kuzaŭ i raźbiŭ lichtary ŭ svaim Lexus. Z dapamohaj znajomych — 26-hadovaha čačenca, 30-hadovaha minčuka i 34-hadovaj minčanki — jon rasstaviŭ na darozie mašyny padobna realnamu DTZ, vyklikaŭ DAI. Machlar pasprabavaŭ atrymać za heta vypłatu ŭ strachavoj kampanii.
Akazałasia, złamyśniki mieli namier pastavić spravu na patok. Traich padazravanych zatrymali ŭ biełaruskaj stalicy ŭ sakaviku. Arhanizatar złačynstva znachodziŭsia ŭ hety čas u adnym z rasijskich SIZA pa abvinavačvańni ŭ rabavańni — mužčyna adkryta skraŭ čužy aŭtamabil. Raspačali kryminalnuju spravu pa č.1 art.14 i č.3 art.209 KK Biełarusi (machlarstva).
