Fota DAI Viciebskaj vobłaści
Avaryja adbyłasia siońnia ranicaj u Haradockim rajonie na 16 km abjaznoj aŭtadarohi miaža RF — Viciebsk — Homiel — miaža Ukrainy, paviedamili BIEŁTA ŭ DAI Viciebskaj vobłaści. Kiroŭca aŭtamabila Nissan Primera nie spraviŭsia z kiravańniem i ŭrezaŭsia mietaličnuju adbojnuju aharodžu. «Paśla hetaha aŭto pierakuliłasia na dach. U vyniku DTZ zahinuli na miescy kiroŭca 1976 hoda naradžeńnia i pasažyr 1968 hoda naradžeńnia», — painfarmavali ŭ DAI.
U mašynie jechali jašče dvoje pasažyraŭ. Paśla ahladu miedykaŭ 67-hadovy mužčyna dastaŭleny ŭ balnicu, druhi — 39-hadovy mužčyna — nie paciarpieŭ.
Pavodle słoŭ adnaho z pasažyraŭ, DTZ adbyłosia ŭ momant abhonu spadarožnaha aŭtamabila. Chutkuju dapamohu i DAI vyklikali vidavočcy DTZ. Viadziecca pravierka.
Fota DAI Viciebskaj vobłaści
