Ksienija Sabčak z synam Płatonam. Fota @xenia_sobchak
Televiadučaja Ksienija Sabčak raspaviała, čamu rasstałasia z akcioram Maksimam Vitarhanam. Pra heta piša Lenta.ru sa spasyłkaj na intervju ź joj, jakoje vyjšła ŭ efiry telekanała NTV u subotu, 16 sakavika.
Sabčak patłumačyła, što pastupova nazapašvalisia ŭzajemnyja pretenzii i kryŭdy, i adnojčy jany ź Vitarhanam pryniali rašeńnie raźvieścisia.
«Štości nie zrabiŭ, nie pravioŭ, nie kupiŭ kvietak. Ty niešta nie tak — u bihudzi pryjšła abo ahryznułasia. Heta pačynaje nazapašvacca i źjadać niešta vielmi važnaje», — raspaviała televiadučaja. Pry hetym jana padkreśliła, što rasstańnie — heta «supolnaja adkaznaść».
Raniej u sakaviku Vitarhan paviedamiŭ, što jany z Sabčak davoli daŭno žyvuć asobna i «kožny svaim žyćciom». Pry hetym jon padkreśliŭ, što jany nie dzielać majomaść i dzicia, «jakoha praciahvajuć hadavać jak lubiačyja jaho baćki».
U lutym Sabčak raspaviała, što niezaležna ad taho, razam jany ź Vitarhanam ci nie, jon zaŭsiody zastaniecca dla jaje rodnym čałaviekam i tatam ich syna. Jana taksama dadała, što dobra kantaktuje ź dziećmi Vitarhana ad pieršaha šlubu i znajomaja ź jaho byłoj žonkaj. Na pytańnie pra svajho syna Płatona jana adkazała, što zrobić usio dla jaho ščaścia.
21 studzienia ŭ adnym z maskoŭskich restaranaŭ pamiž Maksimam Vitarhanam i režysioram Kanstancinam Bahamołavym adbyŭsia kanflikt. Televiadučaja pryjechała ŭ kaviarniu razam z Bahamołavym. Paśla źjaŭleńnia jaje muža pamiž mužčynami pačałasia bojka na hlebie reŭnaści, u vyniku režysior atrymaŭ pierałom nosa ŭ dvuch miescach. Paźniej źjaviłasia videa bojki.
Muž Sabčak u centry Maskvy złamaŭ nos viadomamu režysioru praz reŭnaść VIDEA
Ksienija Sabčak rasstałasia sa svaim mužam
