Karotki śpis abvieščany ŭ dzień narodzinaŭ paeta, mastaka i dyzajniera, jakomu 16 sakavika spoŭniłasia b 55 hadoŭ.
Na premiju za najlepšuju knižnuju vokładku naminavałasia bolš jak 60 knih. Žury abrała dziesiać vokładak dla šort-lista:
Hryhoryj Kacnelson — Ryčard Havialis «Vilenski pokier», vydaviectva «Łohvinaŭ»;
Anatol Łazar — Čarlz Bukoŭski «Čytvo», vydaviectva «Łohvinaŭ»;
Alaksandr Łučyna — VEHA «Najlepšy bok», vydaviectva «Januškievič»;
Arciom Masiukievič — Śviatłana Aleksijevič «Hałasy Utopii», vydaviectva «Łohvinaŭ»;
Vital Ruhajn, Nasta Rahatka, Daša Sapranieckaja, Maksim Horbik, Andrej Kabanaŭ (fota), Ahata Pojzan (dyzajn) — układalnica Alena Łapcionak «Viasna 2017», pravaabarončy centr «Viasna»;
Anastasija Stalmachova, na vokładcy vykarystany frahmient pracy Siarhieja Šabochina «Praktyki padparadkavańnia» — Volha Šparaha «Soobŝiestvo-pośle-Chołokosta: na puti k obŝiestvu inkluzii», vydaviectva Miedysont»;
Pavieł Tatarnikaŭ — Uładzimir Jahoŭdzik, Pavieł Tatarnikaŭ «Załataja šarścinka, srebnaja pavucinka: biełaruskija narodnyja kazki», vydaviectva «Miedyjał»;
Siarhiej Šamatulski — Pavieł Kaściukievič «Bulba ŭ rajskim sadzie», vydaviectva «Łohvinaŭ»;
Siarhiej Šamatulski — Volha Takarčuk «Viadzi svoj płuh praz kostki miortvych», vydaviectva «Łohvinaŭ»;
Uładzisłava Jurčanka — Anton Kułon «Siniaja kniha biełaruskaha ałkaholika PLUS», vydaviectva «Halijafy»;
Šort-list abiraŭsia rejtynhavym hałasavańniem: siabry žury aceńvali kožnuju vokładku pa dziesiacibalnaj škale, i adznaki sumavalisia.
U žury ŭvajšli piśmieńnik, mastak Adam Hłobus, litaratarka Volha Babkova, dyzajnier Uładzimir Ceśler, piśmieńnik, mastak Artur Klinaŭ, mastačka Antanina Słabodčykava, dyzajnierka Alena Daškievič, dyzajnier Juryj Tarejeŭ, mastačka i paetka Vasilisa Palanina.
Premija ŭručajecca aŭtaru abo kamandzie aŭtaraŭ vokładki. Pieramožcu nazavuć 7 krasavika ŭ prastory OK16 padčas fiestyvala «Pradmova».
Inicyjatyva adznačać najlepšuju knižnuju vokładku da biełaruskaj knihi naležyć Biełaruskamu PEN-centru sumiesna ź Biełaruskim sajuzam dyzajnieraŭ i «Latučym univiersitetam», a taksama polskim partnioram TAA «H&L» i fondam «Adkrytaja kultura». Hienieralnym partnioram vystupiŭ niezaležny telekanał «Biełsat», premija ładzicca ŭ miežach hramadskaj kampanii «Biełaruskamoŭnyja».