Novaja kiraŭnica niamieckaha Chryścijanska-demakratyčnaha sajuza (CHDS) Anehret Kramp-Karenbaŭer vystupiła ŭ časopisie Welt Am Sonntag z prahramnym artykułam pra svajo bačańnie budučyni Jeŭrasajuza i jeŭraintehracyi. Artykuł nazyvajecca «Europa jetzt richtig machen» — «Vyrablać Jeŭropu prosta siońnia».
Jaje bačańnie ŭ niečym padobnaje, a ŭ niečym roźnicca ad prapanoŭ prezidenta Francyi Emaniuela Makrona.
Siarod novych prapanoŭ — ideja, kab Francyja pieradała svajo stałaje kresła ŭ Radzie Biaśpieki Jeŭrasajuzu. Naŭrad ci takaja ideja spadabajecca Paryžu.
A voś siarod prapanoŭ, pra jakija havorać va ŭsim ES, — stvareńnie miechanizmaŭ kiravańnia vonkavymi miežami Jeŭrasajuza. Mienavita miakkaciełaść pamiežnikaŭ Hrecyi i Italii pryviała da praniknieńnia ŭ Jeŭrasajuz vialikaj chvali mihrantaŭ u 2015—2016 hadoŭ, palityčny rezanans čaho adčuvajecca dahetul.
Krainy Uschodniaj i Centralnaj Jeŭropy Kramp-Karenbaŭer u svaim artykule nijak asabliva nie ŭzhadvaje, ale pačynaje artykuł z kanstatacyi nieabchodnaści procistajać sprobam Rasii destabilizavać Jeŭropu. Ničoha nie havorycca i pra dalejšaje pašyreńnie ES.
Mienavita Kramp-Karenbaŭer paviadzie chryścijanskich demakrataŭ na novyja vybary, jakija stanuć punktam zaviaršeńnia palityčnaj karjery Anhieły Mierkiel, čyje pohlady i palityčny styl apošnija dva dziesiacihodździ mieli vialiki ŭpłyŭ na jeŭrapiejskuju palityku.
