Prezident Kazachstana Nursułtan Nazarbajeŭ sychodzić u adstaŭku. Pavodle miascovaha zakanadaŭstva, jaho abaviazki budzie vykonvać śpikier parłamienta Kasym-Žamart Takajeŭ.
Čytajcie: Chto taki Kasym-Žamart Takajeŭ, jaki vykonvaje abaviazki prezidenta Kazachstana
Prarasijskija palityčnyja telehram-kanały, nie razumiejučy biełaruskaj situacyi, pačali vydavać «insajdy»: maŭlaŭ, naviny z Kazachstana vyklikali niezdarovy ažyjataž u asiarodku Michaiła Miaśnikoviča. Nahadajem, Miaśnikovič — śpikier Savieta Respubliki, vierchniaj pałaty biełaruskaha parłamienta.
Kali b hetyja telehram-kanały viali ludzi ź Biełarusi, jany b viedali pałažeńnie Kanstytucyi:
Artykuł 89. U vypadku vakansii pasady prezidenta abo niemahčymaści vykanańnia im svaich abaviazkaŭ na padstavach, praduhledžanych Kanstytucyjaj, jaho paŭnamoctvy da pryniasieńnia prysiahi navavybranym prezidentam pierachodziać da premjer-ministra.
Premjer-ministr Biełarusi Siarhiej Rumas.
Premjer-ministr u Biełarusi — Siarhiej Rumas. Mienavita da jaho pry kazachstanskim scenary pierajšli b paŭnamoctvy kiraŭnika krainy.